Вие одлучувате кога, каде, колку време, сами или во друштво ќе ги посетувате нашите интернет курсеви!
Во изминатата декада праксата во технолошки развиените земји покажа дека бројот на луѓето што го користат интернетот за едукативни цели е се поголем. Динамичниот животен стил и кариеризмот наметнуваат потреба од штедење време, но и трошоци за патување (особено ако живеете во пооддалечено место).
Сепак, најголемата предност на учењето преку интернет е во индивидуалниот приод и во флексибилноста што ја нуди. За разлика од класичната настава во клас (група), интернет учењето е насочено кон темпото и стилот на учење на поединецот и го поттикнува неговото активно учество и искрен интерес при совладување на градивото. На тој начин во процесот на учење еднакво се поттикнуваат и посрамежливите, како и послабите ученици.
На крајот, прашањето на кое треба самите да одговорите е: Колку навистина сериозно и темелно го сфаќате онлајн учењето?
Курсот за основци го препорачуваме од најрана возраст поради следните предности:
* Се развива самостојност и независност во текот на учењето
* Се развива искрен интерес и одговорност кон учењето, без срам или страв од другите
* Се создава сопствен, индивидуален стил на учење во комфорот на својот дом
* Се поттикнува проактивно наместо пасивно учење, бидејќи фокусот е врз ученикот а не врз група со повеќе ученици
* Се напредува според сопствено темпо, што е еднакво добро и за посрамежливите, како и за понапредните ученици
* Се овозможува (а со најмалите и се препорачува) родителско учество и надзор со цел родителот да е во тек со напредокот на ученикот, како и да помине квалитетно време заедно со своето дете.
